Svava Halldóra Friðgeirsdóttir

Alþjóðadagur Ladies Circle International er haldinn hátíðlegur þann 11. febrúar ár hvert af aðildarþjóðum samtakanna. Hér á Íslandi hefur sá háttur verið hafður á að sameiginlegur fundur klúbbanna verið annars vegar á höfuðborgarsvæðinu og hins vegar á Norðurlandi (Akureyri eða Húsavík).  Í ár hittast klúbbkonur á höfuðborgarsvæðinu í Alþjóðahúsinu kl. 19 og fræðast um starfsemi þess á eftir verður farið á Café Culturu. Stúlkurnar á Norðurlandi hittast í Listasafninu kl. 20 og skoða sýningu Margrétar Jónsdóttur, hvítir skuggar. Að sýningunni lokinni verður snætt á Greifanum. 

Um hvað snýst er Ladies Circle?

Ladies Circle, eða LC, er alþjóðlegur félagsskapur ungra kvenna á aldrinum 18-45 ára, sem vilja stuðla að því að konur kynnist hver annarri, víkki út sjóndeildarhring sinn og efli alþjóðlega skilning og vináttu. Samtökin eru starfandi í 36 löndum og eru félagskonur um 13 þúsund. Fyrsti LC-klúbburinn var stofnaður á Akureyri 1988 og merki LCÍ er hjól rokksins, sem er tákn kvenna frá gamalli tíð. Hjólinu er skipt upp í sex hjörtu sem tákna:

Vináttu, umburðarlyndi, tillitssemi, heiðarleika, jákvæðni og náungakærleika.

Tilgangur samtakanna er m.a. að fræða konur um umhverfi sitt og menningu og það er gert með ýmsum hætti. Klúbbar eru með svokallaðar 3 mínútur sem eru ætlaðar því málefni, sem konum liggur á hjarta hverju sinni eða er efst á baugi hjá þjóðinni á hverjum tíma. Mikilvægt er einnig að klúbbar leggi áherslu á að fá til sín fyrirlesara sem veita innsýn í alls kyns málefni sem geta víkkað sýn LC-kvenna á lífið og tilveruna. Við kynnum okkur t.d. skáldskaparmenningu landsins með því að hafa ljóð eða skáld vetrarins. Níu klúbbar eru starfandi á Íslandi, tveir á Akureyri, einn á Húsavík, tveir í Keflavík og fjórir í Reykjavík.

Þær konur sem vilja kynna sér betur starf LC er bent á vef samtakanna www.ladies-circle.is / www.ladies-circle.com Einnig er ykkur velkomið að hafa samband við undirritaða sem er varalandsforseti 2008-2009.

Ljótu hálfvitarnir voru með tónleika á Café Rosenberg í gærkveldi (laugardagskvöld. Fór með Unni frænku á tónleikana og þar hittum við Betu frænku sem var á árshátið heilsunuddara. Skemmti mér konunglega enda eru þetta frábærir listamenn. Það er gaman að fylgjast með hversu fjölhæfir liðsmenn hálfvitanna eru. Þeir skiptast á að spila á hljópfærin og syngja. Textar þeirra eru alveg hin mesta skemmtismíð. Ég átti sem sagt frábært kvöld í góðum félagsskap. Gott að geta slakað á og skemmt sér eftir rússíbana sl. mánuð. Nú tekur við nýr tími í nýju fyrirtæki - opinberu fyrirtæki.

Farið endilega hingað og hlustið á Ljótu hálfvitanna. Þetta er góð skemmtun.

Félagsstörf hafa átt mikið af mínum frítíma sl. ár og hef ég haf mikið gaman af. Hef kynnst frábæru fólki í íþróttahreyfingunni, pólitíkinni, verkalýðshreyfingunni, stúlkum í LC og svo náttúrulega í starfsmannafélögum þar í þeim fyrirtækjum sem að ég hef unnið. Öll þessi störf hef ég gert með glöðu geði og í sjálfboðavinnu. Enn eitt tækifærið til að láta gott af mér leiða fékk ég svo í síðustu viku og ákvað að taka því. Er nú fulltrúi meirihlutans í menningar - og ferðamálaráði í Starfshóp um fjölmenningardag 2009. Skemmtilegt verkefni. Man eins og gerst hafi í gær þegar að ég fór með Halldóri Ásgrímssyni vestur á Flateyri á fyrsta fjölþjóðahátíðina sem haldin var þar í íþróttahúsinu. Mikil og fróðleg skemmtun.

Annars er ég nýkomin heim frá alheimsráðstefnu (AGM) Ladies Circle International í Aberdeen, Skotlandi. Þessar ráðstefnur eru í senn áhugaverðar, skemmtilegar og oftast vel skipulagðar. Maður fræðist einnig mikið um aðra menningarheima sem er gott og víkkar út sjóndeildarhringinn. Í vetur verður svo miðsvetrarfundurinn í Riga og AGM í Bangalore, Indlandi